ବାଇବଲରେ ଶୟତାନ (ଡେଭିଲ) ହେଉଛି ଏକ ଆଧ୍ୟାତ୍ମିକ ସତ୍ତା, ଯିଏ ପାପ, ପ୍ରଲୋଭନ ଏବଂ ମନ୍ଦତାର ମୂଳ ରୂପେ ବର୍ଣ୍ଣିତ ହୋଇଛି। ସେ ପ୍ରାୟତଃ ଲୁଶିଫର ନାମରେ ମଧ୍ୟ ପରିଚିତ। ବାଇବଲ ଅନୁସାରେ, ଶୟତାନ ମୂଳତଃ ଈଶ୍ୱରଙ୍କ ଦ୍ୱାରା ସୃଷ୍ଟ ଜଣେ ସ୍ୱର୍ଗୀୟ ଦୂତ ଥିଲେ, କିନ୍ତୁ ଅହଙ୍କାର ଏବଂ ବିଦ୍ରୋହ ଯୋଗୁଁ ସେ ଈଶ୍ୱରଙ୍କ ବିରୁଦ୍ଧରେ ଗଲେ ଓ ସ୍ୱର୍ଗରୁ ବହିଷ୍କୃତ ହେଲେ (ଯିଶାଇୟ 14:12-15; ଯିହି. 28:12-17)।
ନୂତନ ନିୟମରେ, ଶୟତାନକୁ ପରିକ୍ଷକ (ମାଥିଉ 4:1-11), ମିଥ୍ୟାର ପିତା (ଯୋହନ 8:44), ଏବଂ ଏହି ଜଗତର ଅଧିପତି (ଯୋହନ 12:31) ଭାବେ ବର୍ଣ୍ଣନା କରାଯାଇଛି। ସେ ମଣିଷମାନଙ୍କୁ ଈଶ୍ୱରଙ୍କଠାରୁ ଦୂରେଇ ନେବାକୁ ଚେଷ୍ଟା କରେ ଏବଂ ପାପରେ ପକାଇବାକୁ ପ୍ରୟାସ କରେ। ତଥାପି, ବାଇବଲ ଶିକ୍ଷା ଦିଏ ଯେ ଶୟତାନର ଶକ୍ତି ସୀମିତ ଏବଂ ଈଶ୍ୱରଙ୍କ ଅଧୀନରେ ଅଛି। ଶେଷରେ, ପ୍ରକାଶିତ ବାକ୍ୟ (20:10) ଅନୁସାରେ, ଶୟତାନକୁ ପରାଜିତ କରାଯିବ ଏବଂ ଅନନ୍ତ ଦଣ୍ଡ ପାଇବ।
ଶୟତାନ ଈଶ୍ୱରଙ୍କ ସମାନ ନୁହେଁ; ସେ ସୃଷ୍ଟ ଜୀବ ମାତ୍ର, ଯିଏ ଈଶ୍ୱରଙ୍କ ଇଚ୍ଛା ବିରୁଦ୍ଧରେ କାର୍ଯ୍ୟ କରେ, କିନ୍ତୁ ଶେଷରେ ଈଶ୍ୱରଙ୍କ ନ୍ୟାୟ ଓ ଶକ୍ତି ସମ୍ମୁଖରେ ପରାସ୍ତ ହେବ।
Article by Jemes Mukunda
No comments:
Post a Comment